Tùi第十章开始，是有关以色列国分裂做做南、北二国ê史料。Mā是tùi chit章开始，直到第三十六章止，thang看tio̍h作者对北国以色列历史轻视，对南国犹大则偏好，原因是认为南国乃是用大卫kiáⁿ孙为主轴，是属tī所讲ê「正统」王朝。因为án-ne，除非kah南国有关系ê资料，作者chiah kā它绍介，若无，北国以色列ê历史就有省略。这就真清楚知影，历代志作者是用南国犹大ê观点teh看以色列民族ê兴衰。

Chit章ê记事mā同时记载在列王纪上第十二章。

直到到chia，历代志ê作者并无任何记落来所罗门晚年弃sak上帝ê事件，m̄-koh在列王纪上第十一章1到13节则有清楚记载伊犯罪弃sak上帝ê原因。

Chit段经文记载所罗门往生后，伊kiáⁿ罗波安继位，以色列北部支族ê人就希望伊ē-tàng减免人民税赋ê负担，这mā是头前所讲ê，所罗门虽然累积了无法度估计ê财富，m̄-koh却无法度知影人民生活ê痛苦。Á伊ê kiáⁿ罗波安koh khah无法度知影民间ê疾苦。因为án-ne，当北部支派推出代表来见伊，请求减免税赋ê负担ê时，伊并无体会人民生活ê痛苦，而是beh思考了后chiah回答。

第1节，mā可能所罗门并无想tio̍h家己会chiah-ni̍h早就往生pah，chiah无tī伊死去chìn前，就tī耶路撒冷封立伊ê kiáⁿ罗波安为王。罗波安继任为王后，mā到北部以法莲境内ê示剑城去，chit-ê城mā是北部支族ê政治中心，北部地区ê人民lóng出来表示拥护伊做王。

第2到5节，chia提起北部支族ê领袖耶罗波安ê事，tī历代志作者并无任何交带，m̄-koh在列王纪上第十一章26到40节，有真详细ê资料记载以法莲族尼八ê kiáⁿ耶罗波安逃到埃及去避难chit段故事ê背景。历代志作者甚至认为以色列国会分裂ê原因，是耶罗波安ê「背叛」所造成ê。M̄-koh tī chia，作者讲出北部ê族群请求耶罗波安代表in，去向罗波安参详拜托，希望伊ē-tàng减轻税赋，原因是所罗门hō͘ in「背负重担」，已经hō͘ in ê生活陷入困境à。这可能就是头前已经叙述过ê，Tī所罗门时代，大兴土木，而这大兴土木并m̄是因为建造圣殿造成ê，因为建造圣殿ê费用tùi大卫ê时代就已经开始存钱准备（参考历代志上廿二：14、廿三：2—9），而且根据历代志下第五章1节，建造圣殿了后iáu有chhun落来ê金银kah其他器物lóng khǹg tī圣殿ê库房里。因为án-ne，加重人民税赋ê重担应该是kah建造王宫有关，而且伊ê王宫中共有一千名嫔妃（参考列王记上十一：3），这lóng充分显示伊tī宫廷中ê生活非常奢华浪费，m̄知节制造成一定tio̍h加重税收chiah ē-tàng平衡收支ê。亲像tī历代志上第九章17到21节，描述伊tī王宫中ê生活情况，就thang看出所罗门是过穷极奢侈ê生活，m̄-koh却m̄知民间生活ê疾苦。

当耶罗波安去kā罗波安讲，希望减轻人民ê生活负担ê时，伊ê回答却是ài in三工后chiah来。

第6到7节，tī chit三工中，罗波安去询问老父时代留落来ê老臣，问in对减免税赋ê意见。
Chiah-ê老臣建议罗波安tio̍h「好款待chiah-ê人，hō͘ in欢喜」，chit-ê意思真清楚，就是beh接纳耶罗波安所代表ê北部支族人民ê意见。

第8到11节，m̄-koh罗波安显然无欢喜众老臣ê意见，伊询问tio̍h kah伊同时长大ê少年顾问，结果in hō͘伊ê意见，m̄-nā是不减轻，而且是beh加重抽税，换句话讲，in建议伊用koh khah严苛ê统治手段对待chiah-ê北部支族ê人，想用chit种方式hō͘ in惊惶不安。