Chit段经文讲述罗波安回覆北部支族代表ê话，讲beh加重in ê税赋负担，结果致使以色列民族分裂做做为北部以色列、南部犹大等两个国家。

第12到15节，罗波安tī三工后接见耶罗波安等北部代表，就kā伊身边ê少年幕僚所提供ê加重税赋之议回覆hō͘ in。Mā因为án-ne，埋落来了以色列国分裂ê因素。第15节是chit章siōng重要ê一节经文，作者beh说明以色列国ê分裂，其实就是上帝对一个失落疼心ê君王ê审判，mā是上帝对所罗门ê惩罚。因为根据列王记上第十一章ê记载，所罗门因为娶真chē外国cha-bó͘-gín-á做妻妾，in诱惑所罗门弃sak上帝，跟tòe chiah-ê外国cha-bó͘-gín-á ê bó͘去拜偶像神明。

第16到17节，chit两节真清楚说明罗波安chit种回覆，是致使北部支族决定kah南部犹大支族分裂ê原因。In强调大卫kah in无关系，mā表明beh hō͘大卫ê宗族家己照顾，in无愿意koh再kā大卫家族当做in ê领导者。就án-ne，北部支族ê「反叛tńg去厝里à」，就án-ne，「罗波安只作tòa tī犹大地区ê人民ê王」，而这kan-taⁿ是一段真短ê时间。一个辉煌ê以色列王国分裂à。Chit句「罗波安只作tòa tī犹大地区ê人民ê王」，对照第十一章1节就会明白chit地区只有两个支族――犹大kah便雅悯。Á便雅悯soah koh是十二支派中siōng弱小ê一族（参考撒母耳记上九：21）。Koh讲，犹大支族tī大卫时代已经kā西缅支族并入à。因为án-ne，南部其实就是三族，北部支派就有九族，而且土地大、人chē。

第18到19节，chit两节清楚讲出北部支派背叛后，第一个反应动作，就是拒绝接受罗波安ê指令，kah像过去仝款，指派in ê工作。因为án-ne，当罗波安派出劳工总管亚多兰陪伊去北部以色列巡视ê时，北部人民具体ê反应，就是用石头phah死亚多兰，而罗波安因为逃离ê快，若无，mā会hō͘ phah死。北部支族ê人民用chit种方式hō͘罗波安知影，in确实背叛了伊。