历代志上 29章10节 到 29章30节   背景资料  上一笔
Chit段经文包括大卫王带领人民kā chiah-ê奉献hō͘上帝并表明感恩。然后率领全体人民献上感恩ê祭典。值得注意ê是,chit段经文记载第二pái宣布所罗门为以色列国ê王(参考廿三:1)。同时,chit段经文路尾mā讲述大卫王结束统治,由kiáⁿ所罗门继位。

第10到13节,chit段经文是大卫带领以色列人民献上o-ló上帝,讲述上帝ê荣耀、威严,是万物ê创造者、主宰,koh khah重要ê,伊讲「所有富贵、财宝」lóng是tùi上帝ê赏赐chiah得tio̍h ê。这mā说明所有奉献为建造圣殿ê一切,lóng m̄值得夸耀,因为lóng是上帝赏赐,只有ē-tàng用感恩ê心回报上帝ê慈爱。

第14到15节,大卫王讲述奉献ê缘由,就是in原本甚么都无,m̄-nā四界流荡,而且面对死亡。M̄-koh因为上帝赏赐,in taⁿ chiah拥有真chē财富,因为án-ne,chit-má ê奉献,mā只不过是回应上帝ê疼罢à。

第16到19节,taⁿ chiah-ê奉献,就是为tio̍h beh建造圣殿hō͘上帝,好荣耀上帝ê圣名。因为án-ne,大卫表明chiah-ê奉献lóng是全体以色列人民真心诚意ê奉献,恳求上帝hō͘以色列人民永远有chit种热情,对上帝忠心。最后,伊tī祈祷中,恳求上帝赏赐hō͘所罗门有「一粒热诚ê心」,真实地遵行上帝ê一切律法命令,完承建造圣殿ê工程。

第21到25节,当大卫带领人民向上帝献上感恩ê祈祷后,mā是chit项奉献礼拜ê结束,大家lóng同齐享用献祭ê食物,同时膏立所罗门为主,kah膏立大祭司撒督(其实,这背景是所罗门kā原本ê大祭司亚比亚他kā它废除,因为伊参与亚多尼雅夺取王位ê行列,所罗门以撒督取代亚比亚他,参考列王记上26—27、35)。

「所罗门是一个成功ê君王;以色列全国lóng顺从伊。」chit句话应该是tī伊早期治国时代,是所有大卫王时代ê臣仆lóng效忠伊,而且伊所有ê兄弟mā是,m̄敢有人想beh夺取王位。因为án-ne,伊治国ê初期,以色列国是一个富强ê国家。M̄-koh tī伊晚年ê时chūn,就因为娶真chē外国cha-bó͘-gín-á做bó͘,而弃sak了上帝。

第26到30节,chit段经文koh一pái说明大卫统治kui个以色列民族,共计四十年。其实,真正统治全体以色列人民ê时间,应该beh tùi伊进入耶路撒冷开始算起,án-ne是「三十三年」,因为tī希伯仑做王hit段七年时间,至少有两年ê时间,北pêng真chē地区iáu是由扫罗ê kiáⁿ他施波设统治tio̍h真chē地区,后来北部地区tī押尼珥ê协助下,chiah来归顺大卫(参考撒母耳记下二:8—11)。第29节有提起「先知拿单、迦得先见ê史册」,可惜目前已经chhōe bē-tio̍h chit种史册á是经册。

重新查询 专卷研经 历代志上系列
错误回报,请联系