历代志上 12章23节 到 12章40节   背景资料  上一笔  下一笔
Chit段经文记载大卫iáu tī希伯仑ê时chūn,ná亲像头前所描述ê,真chē非常优秀ê军官、领导人才lóng纷纷来投靠大卫,mā因为án-ne壮大ê大卫ê声势kah实力。

第23到37节,chia讲出来帮助大卫取代扫罗王统治以色列功臣,其实包含十二支族lóng有人来加入,而来投靠tī大卫行列ê chiah-ê人,lóng是「受过训练ê战士」。Chia列出了十二支族来投靠大卫阵营ê名单kah数目,共计投靠者就chē kah十二万人,而且chiah-ê人lóng是受过训练,ē-tàng使用各种武器ê人。换句话讲,大卫已经有一支坚强ê军队,无论是beh攻击tó一个族群,lóng m̄是问题à。

值得注意ê是来投靠者,m̄-nā有利未支族ê人,而且iáu包括祭司族群,有亚伦kiáⁿ孙,mā有撒督kiáⁿ孙。另外,虽然头前有两pái提起便雅悯ê人来投靠,m̄-koh chia特别强调,便雅悯支族ê人大部分lóng是支持扫罗ê。

比较特别ê所在是提起「但」支族、「亚设」支族,以及约旦河东岸ê三个支派lóng有相当chē ê投靠者,表示大卫m̄-nā tī家己ê犹大族群得tio̍h支持,koh tī其他支族中lóng得tio̍h有力ê支援。

第38到40节,chit段经文说明大卫ê部队实力m̄-nā强,koh khah重要ê是大卫深获民心,因为án-ne,chiah-ê部队所需要ê一切,lóng是来自各支族ê人提供chit支强大部队ê军需用品,特别提起以萨迦、西布伦、拿弗他利等提供ê补给非常充分。Chit种态势看起来,就是已经teh宣告大卫就是全以色列十二支族ê王。

历代志作者ê重点,就是大卫王朝ê兴旺,是因为大多数支持伊ê人,lóng是心无二意ê人,in团结一致支持大卫。Chit点to̍h是上帝恩待大卫ê主要原因。

重新查询 专卷研经 历代志上系列
错误回报,请联系